За разлика од сетилот за слух, кое кај бебето целосно се формира до возраст од еден месец, видот се развива постепено и побавно. Детето ќе може да гледа добро како и возрасен, дури на возраст од седум месеци. Новороденчето се раѓа со формирано сетило за вид, но неговиот мозок не е доволно “зрел“ да ги анализира сликите, ниту да испраќа пораки до окото за она што го гледа. Како се развива мозокот, така се подобрува видот на бебето. Новороденчето најдобро гледа на оддалеченост од само 20 до 35 сантиметри.
РАЗВОЈ НА ВИДОТ
- Од 1. до 3. месец
Кон крајот на овој период, видот на бебето на далечина треба значајно да се подобри, а бебето се почесто ќе почне да гледа во објекти кои се наоѓаат на поголема оддалеченост. Еден од омилените објекти за набљудување на бебињата, ќе им бидат лицата на луѓето. До вториот месец, координацијата на очите на бебето толку ќе се подобри да можат да следат нешто што се движи од една страна на нивното лице кон друга страна. На три месеци, повеќето бебиња ќе покажуваат знаци на почеток на координација на рацете и очите, така што ќе гледаат во предмети, на почетокот случајно, а подоцна и попрецизно. Во текот на овој период, се развива и способноста на бебето за разликување на бои.
- Од 4. до 7. месец
Како бебето се повеќе влегува во интеракција со околината, треба да забележите и зголемување на визуелната свест. Бебето старо помеѓу 4 и 7 месеци ужива во предметите со комплексен дизајн и има поголема способност за разликување бои.
До крајот на овој период, повеќето бебиња можат да се фокусираат погледот на далечина од околу еден метар. Повеќето сега можат да следат дури и брзи движења, па често ќе ја вежба новостекнатата координација на очите и рацете.
- Од 8. до 12. месец
Повеќето бебиња сега веќе добро гледаат и го фокусираат погледот дури и на објекти кои брзо се движат. На пример, бебето може да забележи играчка на дугиот крај на собата, да го фокусира погледот на неа, да ја земе од раце и да ја превртува низ рацете за да може подобро да ја набљудува. Повеќето бебиња ќе почнат зедно да ги користат двете очи, ќе проценува оддалеченост и ќе фаќа и фрла предмети со поголема прецизност.
Ползењето е важно за развојот на координацијата на очите, рацете, нозете и телото.
- Од 1 до 2 години
Помеѓу првата и втората година од животот, видот на детето повторно значајно се подобрува. Координацијата помеѓу очите и рацете продолжува да се развива и детето ќе почне да разбира апстрактни термини. Аско родителот воочи дека детето послабо гледа или некои други неправилности, треба да се посоветува со лекар. Раната дијагностика може да спречи трајни оштетувања на видот.
