Емпатијата е способност на човекот да ги разбере и сочувствува со луѓето околу себе. Иако многу родители се стремат да го подигнат своето дете еден ден да стане емпатична личност, на некои тоа не им оди од рака. Како што објаснува психологот Микеле Борба, постојат карактеристики по кои можеме да препознаеме дете на кое му недостасува емпатија.
Како прво, детето кое нема доволно развиена емпатија често е склоно да ги озборува или да ги критикува сите оние кои не го делат неговото мислење. Психологот објаснува дека таквото дете не може да се стави во туѓа позиција, поради што често се чини ладно кон туѓите лоши чувства или проблемите низ кои поминуваат. Обично е нечувствително на потребите на другите, односно во состојба е да набљудува некој на кој очигледно му е потребна помош и да не прави ништо по тоа прашање.
Исто така, психологот нагласува дека дете кое нема емпатија исто така има големи проблеми со создавањето пријателства, бидејќи чувствува дека заслужува се да му биде подредено нему и дека има право да добива услуги без да даде ништо за возврат. Кога некој одбива да му помогне, детето на кое му недостасува емпатија тоа го сфаќа како лична навреда и во повеќето случаи се навредува или се кара.
Уште една карактеристика што ја има дете со недостаток на емпатија е постојано да зборува за себе. Најчесто секогаш ќе зборува за себе, за своите проблеми и достигнувања, без разлика дали некој од присутните го интересира или не. Детето кое не е емпатично е исто така склоно да ги повредува луѓето околу него затоа што често зборува за нешто или прави нешто што ги навредува.
