Јануари е месец на нови почетоци, а доколку овој месец очекувате принова, имате многу причини да славите и да бидете среќни. Се вели дека бебињата родени во јануари лесно се препознаваат бидејќи ги красат убави особини и доблести.
Издвојуваме некои од карактеристиките на бебињата родени во јануари.
Амбициозност
Уште од мали нозе ги покажуваат своите амбиции, а како што одминува времето така растат и нивните амбиции. Тие си поставуваат се поголеми цели и одлично се снаоѓаат во тоа. Многу успешни луѓе се родени во јануари.
Темелност
Покрај силните амбиции, овие деца се вредни и темелни, па не е ни чудо што успеваат да ги постигнат сите свои цели. Уште од мали нозе ќе покажат колку се вредни помагајќи во домашните работи и добро да се грижат за своите лични работи.
Енергичност
Иако се родени во период од годината кога се е мирно, па дури и природата спие, овие деца се полни со елан и енергија. Секогаш се подготвени за акција, игра и спорт.
Емпатичност
Многу луѓе родени во јануари се однесуваат како осаменици, но всушност тие се емпати и ги разбираат другите, нивните потреби и желби. Тие се одлични пријатели бидејќи секогаш се подготвени да слушаат и да помогнат. Децата родени во јануари имаат пријателства кои траат цел живот.
Трпение
Трпението е уште една особина која им помага на овие деца да ја постигнат својата цел. Како што растат, тие стануваат потрпеливи и развиваат чувство за тактика.
