Доброто познавање на сопствениот менструален циклус може да ви помогне при обидот за забременување и да ги подобри шасните за зачнување.
Но, што се случува во вашето тело за време на целиот циклус и какви ви се шансите за забремените во различните фази на циклусот?
- МЕНСТРУАЛЕН ЦИКЛУС
Менструацијата е всушност лупење на ендометриумот, внатрешните ѕидови на матката и обично трае од три до седум дена. До третиот ден нивото на прогестерон и естроген е во пораст и тогаш повторно почнува обновувањето на ендометриумот. Околу четвртиот ден, почнува созревањето на фоликулот, што значи дека јајчниците се подготвуваат за ослободување од ајајце клетките. Но, во тој период, се уште е многу мала шансата за зачнување, речиси и никаква, освен ако имате многу рана овулација.
- ПЕРИОД ПРЕД ОВУЛАЦИЈА
Во периодот пред овулација, се препорачуваат сексуални односи најмалку два до три пати неделно, најдобро секој втор ден, а можете да почнете веднаш по последниот ден од менструацијата. Седмиот ден од циклсуот можеби ќе забележите вагинален исцедок кој е еластичен на допир, а кој за неколку дена ќе стане кремаст и белузлав. Тоа се уште не зчаи дека јајце клетката е веќе отпуштена, но означува дека овулацијата се приближува и дека вашата вагинална слуз е “пријателско“ опкружување за спермата. Спермата може да преживее и до пет дена “зарбоена“ во церикалната слуз. Шансите за зачнување во овој период се добри. Иако јајце клетката се уште не е ослободена, ова е идеално време за редовен сексуален однос.
- ОВУЛАЦИЈА
Овулацијата обично почнува 14 дена пред следната менструација, а во тоа време вашата телесна температура е малку покачена. Следењето на цервикалната слуз исто така е добар начин за следење на плодните денови. Следете го својот вагинален исцедок, кој станува сличен на белка од јајце и покажува дека тогаш е иделано време за сексуални односи. Кога слузта ќе ја ставите меѓу прсти и лесно се растегнува како гума за џвакање, значи дека имате овулација. Шансата за зачнување е голема, ако сексот е во рок од 36 часа, оти ослободените јајце клетки не живеат подолго од 12 часа.
- ПЕРИОД ПО ОВУЛАЦИЈА
Последната, лутеинска фаза на циклусот трае од 12 до 16 дена. Тогаш нивото на прогестерон почнува да расте и така им сигнализира на јајчниците дека повеќе не треба да произведуваат јајце клетки за овој месец. Цервикалната слуз ќе стане сува и на тој начин ќе создаде ѕид кој ќе ги спречи сперматозоидите да влезат во матката.
