„Какво ќе биде моето дете кога ќе порасне?“ Ова е прашање што си го поставува секој родител. Но, наместо само да се прашувате, има многу работи што можете да ги направите сега за да му помогнете на вашето дете да ги развие вештините што му се потребни за да го достигне својот целосен потенцијал.
За потребите на нејзината книга „ Raising an Entrepreneur“, авторката и консултант за родителство Маргот Махол Бисноу разговарала со 70 родители кои одгледале многу успешни деца. Тие идентификувале пет клучни карактеристики кои придонеле за идните достигнувања на нивните деца.
Оттука, ако вашето дете ги има овие пет особини, тоа е предодредено за успех.
Упорност
Упорните деца не се откажуваат додека не најдат решение или не научат нешто. Тие се храбри и не се обесхрабрени од туѓите реакции. Џонатан Неман започнал голем број бизниси додека бил во средно училиште и на факултет, но ниту еден од нив не успеал. По дипломирањето, тој и двајца пријатели го основале SweetGreen, еколошки освестен синџир со над 900 продавници.
„Не успевавме, но се обидувавме повторно и повторно. Јас не сум попаметен од кој било друг. Јас сум само поупорен“, изјави тој.
Љубопитната и истражувачка природа е вообичаена особина на луѓето кои креираат сопствен пат во животот и стануваат успешни во она што го работат
Љубопитност
Да се биде љубопитен значи да се поставуваат многу прашања зошто е тоа така, мора ли да биде вака и дали може да биде подобро.
Тања Јуки ја основала Shareablee, компанија за анализа на социјалните медиуми. Таа се присетува дека како дете допирала сè во луксузна продавница за подароци, и покрај знакот „не допирај“. Кога продавачот и зел нешто од рака, таа била сигурна дека ќе западне во неволја, но нејзиниот татко рекол: „Таа е само љубопитна. Ако скрши нешто, јас ќе платам за тоа“.
Љубопитната и истражувачка природа е вообичаена особина на луѓето кои креираат сопствен пат во животот и стануваат успешни во она што го работат.
Страсност
Наместо да се трудат да ни угодат, децата треба да го истражуваат она за кое чувствуваат страст.
Роберт Стивенс е совршен пример за некој кој ја претворил страста од детството во претприемачки успех. Момче кое сакало да ги поправа работите на возраст од 24 години ја основало компанијата за поправка Geek Squad. Подоцна ја продал за 3 милиони долари.
Родителите на Стивенс постојано ја поддржувале неговата страст и му верувале доволно за сам да донесува одлуки, а тој научил да верува во своите способности.
Наместо да се трудат да ни угодат, децата треба да го истражуваат она за кое чувствуваат страст
Преземање иницијатива
На успешните луѓе не им е потребна надворешна мотивација. Кога Пејџ Микоски била во средината на 20-тите години, секој од нејзините баба и дедо и дале по 100 долари за нејзиниот роденден. Таа решила да ги искористи тие пари за да го исполни својот животен сон да основа компанија за облека. Купила машина за шиење, ја напуштила работата, се вратила дома и почнала да дизајнира. Таа е основач на култниот моден бренд Aviator Nation. Во 2021 година нејзината компанија остварила промет од 110 милиони долари.
Подготвеност за преземање ризици
Џани Џонс е поранешен играч на НФЛ кој беше домаќин на Dhani Tackles the Globe и ја основал Qey Capital, приватна компанија. Додека растел, тој не бил суперѕвезда, но не се плашел да ризикува.
„Многумина не се подготвени да стават сè на коцка за да го постигнат она во што веруваат. Родителите треба да им влеваат самодоверба на своите деца, за да можат подоцна бестрашно да му пристапат на животот“, изјавила мајката на Џани.
