Издвоивме неколку најважни работи кои треба да ги знаете на самиот почеток на патувањето со бебето.
- ИЗГЛЕДОТ НА БЕБЕТО
Не е реткост за време на породувањето, бебето да се заглави, поради што на почетокот обликот на главата може да биде чуден. Освено обликот на главата, некои бебиња се раѓаат со лануго влакненца, но тие во најголем број од случаевите паѓаат околу 30. недела, но и тоа е индивидуално. Може да бидат со набрано или многу сериозно лице. Новороденчето поминало девет месеци во матката, и логично е да биде со набори, а и промената на средината влијае на неговото тело. Не грижете се, наскоро ќе добие изглед на преубаво бебе кое долго сте го очекувале.
- НЕ ПЛАШЕТЕ СЕ ОД ФОНТАНЕЛАТА
Повеќето родители се плашат од отворот на черепот на малото бебе, кој се нарекува фонтанела. Тој отвор му дозволува на бебето да го маневрира својот пат надвор. Слободно може со бебешка четка да поминувате по главата на детето, без да стравувате дека може да се случи нешто лошо.
- СИТОСТ НА БЕБЕТО
Бебињата најчесто јадат секои два до три часа. Кај доењето тешко е да се одреди колку млеко бебето испило. Во првите недели и месеци од животот на вашето бебе, тежината е најдобриот индикатор за исхранетоста на бебето. Вашиот педијатар треба редовно да го проверува напредувањето на бебето. Бебињата во првата недела од животот губат помеѓу 5 до 8% од масата која ја имале на раѓање, но брзо ја враќаат. По првата недела, бебето ќе воспостави свој распоред на оброци, и треба да има пет до шест мокри пелени на ден и една редовна столица.
- СУВАТА КОЖА Е НОРМАЛНА ПОЈАВА
На почетокот нивната кожа може да биде мека и свиленкаста, но се менува. Не треба да се грижите ако забелжите дека кожата е сува, оти таа типично се лупи и исчезнува. На кожата кај бебето може да се појават и мали розеви мозолчиња, пеленски осип, па и бебешки акни, кои кратко траат.
- НОВОРОДЕНЧЕТО СПИЕ ЧЕСТО, НО НЕ ДОЛГО
Бебето мора да јаде секои два до три часа во првите три месеци, па родителите не можат да спијат во вообичаениот ритам. Повеќето бебиња спијат помеѓу шест и осум часа кога ќе наполнат три месеци. Во меѓувреме, обидете се да воспоставите рутина.
