Во различни фази на растење, сите деца повремено искажуваат бес. Родителите често не знаат како да реагираат, но можеби ќе ви биде полесно кога ќе дознаете што се крие зад нивното агресивно однесување.
Психологот Викторија Шиманскаја во својата книга пишува како да се смири агресивно дете, но и открива изненадувачки причини за ваквото однесување кај децата.
Кога детето се однесува агресивно
Понекогаш на родителите им е многу лесно да ја увидат причината за агресивната реакција на детето, а понекогаш им се чини дека нема причина за тоа. Она што родителите треба да го знаат, пвели таа, е дека зад секоја манифестација на агресивно однесување се крие одредена потреба на детето, за која детето не е свесно или не знае како да ја изрази.
Седум потреби кои најчесто се кријат зад агресивното однесување на детето:
- За родителско внимание
- За доверба
- За слобода
- За приврзаност
- За прифаќање
- За стабилност во околината
- Зза манифестација на акумулирана нервоза
Причини за зголемена агресивност
Психологот Шиманскаја истакнува дека родителите, но ниту психолозите, не можат со прецизност да утврдат зошто детето е агресивно во одреден момент, но можат да имаат претпоставка за тоа и да ја тестираат за да видат дали се во право.
Нејзин совет е да го набљудувате детето и да се обидете да ги одредите точните моменти во кои станува поагресивно. Понекогаш причината може да биде нешто наизглед неповрзано со ситуацијата, како што е фактот дека детето не јадело доволно при претходниот оброк или не спиело доволно.
“Главните извори на ресурси за секој човек се храната и спиењето. Недостатокот на овие ресурси е особено видлив кај децата – ако не јадат на време или не спијат во текот на денот, тие се претвораат во мали чудовишта”, пишува психологот, која наведува и пример во својата книга каде дете удрило друго дете поради нервоза предизвикана од недоволно јадење за појадок.
Исто така, заморот може да биде една од причините зошто детето се однесува агресивно, па на пример, задачите што ги прифаќа и ги извршува со леснотија наутро, може да се претворат во невидена расправија со родителите навечер, па дури и да реагира бурно на безопасна шега.
Кога детето е најагресивно
Децата најчесто покажуваат агресивно однесување во попладневните часови, доколку не спиеле во текот на денот. Може да се случи детето да не покажува знаци на замор, да изгледа активно и весело, но всушност во секој момент да биде на работ да „експлодира“.
Ситуации во кои децата се најагресивни:
Одмори, гости, собири и други радосни настани кои ја нарушуваат рутината на детето
Подготовки за подолго патување
Враќање на стариот, вообичаен режим по долго боледување
Вечер – по напорниот ден, не само детето, туку и другите членови на семејството се уморни и понервозни
Запознавање и комуникација со нови луѓе – подење или доаѓање на гости на член на поширокото семејство и слично.
