Тешко е во секојдневниот живот да се зачуваат мирот и нервите, оти децата постојано не искушуваат. Тогаш почнуваме да викаме и да истураме бес и на крајот се чувствуваме лошо поради чувството на вина. Сигурно ве интересира како да останете смирени и да ги зачувате своите нерви?
Наместо да губите контрола над себе, може да го пробате следново:
- Внимавајте на себе! Редовно дозволете си паузи. Ако сте уморни или под стрес, лесно ќе побеснете.
- Не сте сами. Прифатете помош или замолете некого за помош.
- Обидете се да размислите во кои ситуации често ги преминувате своите граници. Потоа размислете за тоа како да ги избегнете и како да ги ублажите таквите моменти.
Набљудувајте ја ситуацијата од поинаква перспектива. Дали навистина е така лош како што мислите?
- Близу сте до губење на контрола? Помага длабоко и свесно вдишување-издишување, вдишување-издишување.
- Бројте од 1 до 10 и наназад или во устата држете голтка вода. Тоа ќе ве смири.
- Разговарајте со детето и кажете му ги своите чувства.
- Ништо не помага? Ако можете напуштете ја просторијата.
Не сте лош родител ако сте станале гласен. Вие сте само човек и имате граници. Вашето дете мора да научи дека и возрасните имаат чувства. Ако сте подвикнале и сега ви е криво, извинете се на детето и објаснете му што се случило.
