Идеално време за одвикнување од пелени е помеѓу 18 и 24 месеци, но треба да се почитува темпото на детето и да се следат знаците кои тоа ги дава зборувајќи дека е подготвено да се откаже од пелените.
Летото е идеално време за одвикнување од пелените, но за повеќето родители тој процес ретко минува без мака.
Најчесто станува збор за обиди и откажувања во последен момент. Иако родителите по првиот неуспех сметаат дека детето се уште не е подготвено, според педијатарот д-р Џована Армано, децата најчесто се подготвени за одвикнување од пелени помеѓу 18 и 24 месеци.
“Кога таа возраст ќе се поклопи со летото, можноста детето да се одвикне од пелени е уште посигурна. Детето нема да настине, а облеката лесно се соблекува и детето може побрзо да научи само да се соблече и да оди во тоалет“, појаснува д-р Армано.
На таа возраст детето е физички и когнитивно зрело за тргање на пелените. Еден од показателите за подготвеност, се и знаците кои детето ги дава,а на родителите е тие знаци да ги следат. Обрнете внимание дали детето знае да ги именува вршењата нужда, знае ли после тоа да каже дека било во тоалет и дали пелената во текот на ноќта останува сува.
