Бебето секогаш треба да спие на грб без разлика дали станува збор за дневен или ноќен сон
Најопасното место каде бебето може да спие е каучот, покажува новото истражување објавено во списанието „Pediatrics“. Помеѓу 2004 и 2012 година, во САД имало 9000 смртни случаи кај деца за време на спиење, од кои скоро 13 проценти се случиле додека децата спиеле на каучот – повеќето биле на возраст под три месеци.
Авторите на студијата откриле уште неколку фактори на ризик: децата најверојатно спиеле со уште едно лице на каучот, биле на страна или на стомак. Истражувачите истакнаа дека спиењето на каучот не се препорачува дури ни за краток одмор.
Американската академија за педијатрија даде препораки за безбедно спиење на децата и намалување на ризикот од смрт во колевка (СИДС):
-
Бебето секогаш треба да спие на грб без разлика дали станува збор за дневен или ноќен сон (не грижете се ако вашето бебе е доволно големо и само се врти на стомачето за време на спиењето);
-
Доенчињата треба да спијат на цврста и рамна површина во креветче или колевка која ги исполнува сите услови за безбедност. Никогаш не ставајте го детето да спие на кауч или на воден кревет;
-
Извадете ги сите меки предмети, вклучувајќи играчки, перници и облоги надвор од креветчето;
-
Најбезбедно место за спиење е лулка или креветче што се наоѓа во истата просторија каде што вие спиете.
Уште некои совети за намалување на ризикот од смрт во колевка се: одржувајте пријатна температура во просторијата, не пушете во близина на детето или во која било просторија каде што престојува детето.
