На родителите понекогаш им е тешко да знаат дали нивното дете треба да остане дома ако му тече носот, малку кашла или нешто слично. Болката во грло или затнатиот нос не е секогаш знак дека детето не треба да оди на училиште, градинка или некој друг колектив.
За да имате подобра претстава за тоа кога детето не треба да оди во колектив, еве кои правила треба да ги имате на ум.
Не треба да го праќате вашето дете на училиште ако има симптоми како треска, т.е. температура повисока од 38 Целзиусови степени, повраќање, дијареа или потешкотии со дишењето.
Кога станува збор за инфекции, раните од сипаници треба да се исушат пред детето да се врати во колективот, а тоа обично трае околу шест дена.
Кај стрептокока во грлото најпрво е потребно лекување со антибиотици кои ги препишува лекар, така да детето не би требало да оди во колектив неколку дена додека трае лекувањето.
Други заразни инфекции, како рубеола, голема кашлица, заушки, мали сипаници и хепатитис А се специфични, односно кај овие инфекции најдобро е да се консултирате со лекар колку долго детето не треба да оди во колектив.
На крај, имајте на ум дека сепак вие најдобро го познавате вашето дете, па обрнете внимание на тоа како се чувствува. Ако кива, но по цел ден трча по дома како ништо да не му фали, веројатно е доволно добро да оди на училиште. Од друга страна, дете кое кашла цела ноќ и тешко станува наутро можеби ќе треба да остане дома за да се одмори.
