Во последниве години, родителите и старателите се склони да им даваат на децата дигитални уреди за да ги смират. Но, ова е голема грешка, покажува студијата спроведена на Универзитетот Еотвос Лоранд во Унгарија.
Според студијата, ако родителите редовно користат дигитални уреди за да ги смират своите деца, тоа доведува до проблеми со регулацијата на емоциите, што може да предизвика потешкотии со управувањето со лутината подоцна во животот.
“Изливите на бес не можат да се излечат со дигитални уреди. Децата мора да научат како сами да управуваат со сопствените негативни емоции. За време на овој процес на учење, потребна им е помош од нивните родители, а не помош од дигитален уред”, вели авторот на студијата д-р Вероника Конок.
Таа објаснува дека детето не може да научи да ги регулира своите емоции со дигитални уреди.
“Често гледаме родители кои користат таблети или паметни телефони за да го одвлечат вниманието на своето дете кога детето е вознемирено. Децата се фасцинирани од дигиталните содржини, па ова е лесен начин да се запре бесот и е многу ефикасен на краток рок. Меѓутоа, ако свеста на луѓето за дигиталните уреди како несоодветни алатки за лекување на нападите на бес се зголеми, менталното здравје и благосостојбата на децата ќе се влошат“, предупредува професорката Каролин Фицпатрик од канадскиот универзитет Шербрук.
Децата кои се смируваат со паметни телефони послабо ги контролираат лутината и фрстрацијата
Во студијата учествувале повеќе од 300 родители на деца на возраст од две до пет години. Тие пополнувале прашалник кој го проценувал користењето на медиумите од страна на децата и родителите.
Според наодите, кога родителите користеле дигитални уреди како помош во регулирањето на емоциите, децата покажале послаби вештини за управување со гневот и фрустрацијата една година подоцна.
Студијата е објавена во списанието Frontiers in Child and Adolescent Psychiatry.
