Не е сосема јасно поради што децата толку многу сакаат колачи, сладолед, сокови, бомбони, чоколадо… Причината, објаснуваат некои стручњаци може да биде во фактот што децата послабо го препознаваат благиот вкус во споредба со возрасните, па им е потребна поголема концентрација на шеќер или, додаваат други експерти, причината е во зголемената енергетска потрошувачка поради интензивниот раст.
Познато е дек склоноста кон благо исчезнува со преминот од детство во возрасен период, со најизразена промена во адолесценцијата.
По што се разликуваат адолесцентите кои се уште обожаваат слатко, од оние кои престанале да лудуваат по благо?
Американски научници група од 143 адолесценти (11-15 години) на основ на сензорски тестови ги поделиле во групи со оглед на преферирањето на слаткиот вкус, и во нивната крв мереле неколку биомаркери вклучувајќи и биомаркери на раст.
