По некое правило, дете на четири години моторички е подготвено да научи да врзува врвки од чевли. Но, како и во другите области на развој, не е сè црно-бело. Едно дете проодува на една година, друго неколку месеци подоцна, едно прозборува порано, друго подоцна.
Еден од проблемите е што децата денес немаат врвки за чевли, туку сите чевли ги прицврстуваат со лепенка. Во детските градинки често ги советуваат родителите да купуваат чевли, патики и папучи со лепенки бидејќи на сите им е така полесно. Децата, по сила на околностите, во раните години воопшто немаат чевли со врвки, а бидејќи не се ни свесни дека постојат врвки, немаат ни потреба да научат како да ги врзуваат.
Иако во градинките знае да има материјали на кои треба да се поврзат врвки за чевли специјално за да се научи оваа вештина, децата често немаат интерес за тоа бидејќи немаат сатисфакција, како на пример, успешно врзување чевли. Како и со сè, децата сакаат да ги видат резултатите од својот труд, па затоа ќе уживаат во совладувањето на вештините кои на крајот имаат значење. Затоа понудете им да ја научат оваа забавна вештина дома.
Како може родителот да ја започне авантурата со врзување врвки од чевли?
- Покажете му на вашето дете чевли со врвки и заинтересирајте го да ја совлада вештината на врзување врвки.
- Прво, полека покажете му како го правите тоа. Ограничете се на една техника за почеток.
- Дајте му на детето чевел, а вие земете го другиот и врзете ги врвките. Детето може да ве гледа и да ги копира вашите движења.
- Ако сакате вашето дете да ја усоврши техниката на врзување, можете да му предложите и да ви помогне да врзете ленти за подароци или да врзете коса на кукла со лента, или да врзете панделки во машнички за кревет, за прозорци, да направите патишта од ленти кои треба да се врзат… секојдневниот живот со децата ќе ви даде повеќе идеи за тоа што може да се врзе.
