Мајките често чувствуваат лутина кон своите деца, но им е многу тешко тоа да го признаат. Сепак, со “туркање“ до крајни граници, децата и тоа како може да ги налутат своите родители.
Според психотерапевтот Кристал Хејс, ова се шесте најголеми предизвикувачи на бес кај мајките – од трчање во училиште до расправии и борби за оброк. Многу мајки се срамат да признаат дека нивното дете предизвикало бес во нив.
“Многу мајки чувствуваат мајчински бес и лутина, но никој не сака да зборува за тоа. Мајките не треба да се лутат, а кога ќе се налутат, често се срамат. Сепак, сите мајки доживеале моменти на бес, поради што се чувствуваат преоптоварени, без поддршка и уморни“, вели Хејс и додава дека мајките се под голем стрес жонглирајќи со премногу работи, од недоволно спиење до недостиг на соодветна поддршка.
Време за спиење
Тактиките на одложување, како што е барањето вода и приказни за добра ноќ, може да ги излудат родителите. Времето откако децата ќе легант да спијат е период кога родителите одмораат и се подготвуваат за следниот ден, па кога децата ќе ‘чепнат’ во ова драгоцено време, тоа може да предизвика нервоза. За да не го изгубите мирот, никогаш не ги започнувајте рутините на капење или читање приказна кога сте гладни, жедни или уморни. Родителството е маратон, па најдете малку време за одмор во текот на денот за да бидете посмирени непосредно пред спиењето. На тој начин ќе имате доволно енергија за тој последен тригер.
Расправии помеѓу браќата и сестрите
Вербалните и физичките кавги меѓу браќата и сестрите можат да бидат големи поттикнувачи за родителите кои сакаат децата да им бидат најдобри пријатели. Потсетете се понекогаш дека браќата и сестрите кои не се согласуваат всушност поставуваат граници едни на други кои ќе им бидат корисни додека се движат низ животот. Вмешајте се само кога постои опасност од повреди. Смирете ја ситуацијата зборувајќи полека и тивко и разговарајте за границите.
Сензорно преоптоварување
Влегувањето во неуредна соба, бучавата од телевизорот, деца кои бараат грицки и ѕвонењето на машината за перење може да бидат тригери на родителски бес. Поради нередот и преголемата врева, родителите се чувствуваат вознемирени и надвор од контрола. Наместо да се фатите во замка со целиот дом и да ризикувате да се чувствувате преоптоварени, обидете се една соба да ја направите мирен и уреден простор во кој ќе влезете кога ќе почнете да чувствувате дека сè ви е преку глава. Намалете ги вашите очекувања и разделете ги поголемите работи на мали остварливи задачи.
Трчање во училиште
Иако не сакате да доцните, немате целосна контрола врз времето бидејќи има ситуации како што се сообраќаен метеж, соработка на децата пред поаѓање или дали на вашето бебе ќе му треба промена на пелена во последен момент. Сето ова е многу стресно. За да не ја изгубите смиреноста, одвојте доволно време наутро, пуштете релаксирачка музика во автомобилот и дајте се од себе да го намалите тој притисок.
Време пред екраните
Постојат многу спротивставени информации за тоа колку време треба да им се дозволи на децата пред екраните. За родителите ова е збунувачка територија, но и нешто што често предизвикува стрес. Одбивањето на децата да ја исклучат технологијата за време на оброците, како и нивната забрана да ги носат на маса, може да предизвикаат борба за моќ. Клучот овде е во доследноста и однапред поставување на граници, со последици доколку децата одбијат да слушаат.
Време за оброци
Храната лесно може да стане бојно поле со децата, особено за мајките кои сакаат нивните деца да се хранат здраво. Може да ескалира надвор од храната и да стане битка за моќ. За да не ја изгубите присебноста, размислете за вашето искуство со оброците додека сте биле дете – што ви се допаѓало, а што не како. Мора да имате поддршка од партнерот. Колку можете да бидете поопуштени и додека имате доследни граници, вашите деца ќе бидат помалку тврдоглави.
