Голем е бројот на лица кои биле или се заразени со коронавирусот, а голем дел од нив искусиле негативни последиции на продолжен ковид и тегоби кои најчесто ги пријавуваат се несоница, хроничен замор, проблеми со респираторните органи итн. Не така мал број на прележани имале и многу потешки последици и сериозни заболувања. КОВИД-19 секако влијае на здравствената слика на пациентот што предизвикува особена загриженост кај жените кои планираат да забременат. Поради фактот дека вирусот негативно влијае на внатрешните органи, не е пожелно веднаш да се планира бременост, бидејќи ‘штетата’ нанесена на телото е сериозна,а опоравувањето е неопходно. Гинекологот Ирина Меншикова објаснува после колку време парот може да планира бебе.
Д-р Меншикова укажува дека маж кој прележал КОВИД-19 може да се соочи со намалена плодност, што е проблем за планирање на семејство, а ако жената е таа која била заразена, важен фактор е тежината на инфекцијата.
“Кај асимптоматскиот пренос на коронавирусот или кај благиот тек на болеста, бременоста може да се планира веднаш откако жената ќе се опорави ии се чувствува добро. Практично, веќе од следниот менструален циклус“, вели гинекологот.
Таа додава дека по умерен или тежок стадиум на КОВИД-19, идната мајка треба комплетно да се опорави и прегледа, за да се исклучат сериозни компликации и болести. Сам по себе, коронавирусот не доведува до неплодност и не предизвикува здравствени проблеми кај нероденото дете.
Гинекологот нагласува дека секако е подобро парот да се консултира со избраниот, матичен гинеколог кој ќе даде најдобра проценка.
