Повеќето бебиња користат цуцла, барем кратко, но сведоци сме дека денес има и многу постари деца од три или четири години, кои се уште користат цуцла. Родителите од различни причини го одложуваат одвикнувањето од лажалка, но најчеста е тоа што детето е врзано за цуцлата и таа му помага брзо да се смири, па не сакаат тоа да му го скратат.
Некои мајки и татковци едноставно не се ни сигурни кога е најдобро време за одвикнување од лажалка, а во врска со тоа совет дава физиотерапевтот Станислав Фалишевски, кој работи со бебиња повеќе од 30 години.
- Кога да го одвикнете бебето од цуцлата
“Препорачувам одвикнувањето од цуцла лажалка помеѓу осмиот и деветиот месец од животот на бебето. Зошто? Затоа што сè што му треба на вашето дете за орална стимулација треба да доаѓа од храната. На таа возраст детето веќе јаде цврста храна. Намирниците треба да ја задоволат потребата на бебето да гризе цврста и мека текстура и дека го движи јазикот“, вели овој експерт.
Тој истакнува дека ја поддржува употребата на цуцла од самото раѓање до осмиот па дури и десеттиот месец од животот на бебето.
„После тој период не препорачувам користење на цуцлата бидејќи при цицање на цуцлата, бебето линеарно го става јазикот. Не сите, но некои бебиња може да имаат проблем со правилно движење на јазикот“, вели Фалишевски, додавајќи дека колку подоцна ќе почнете да го одвикнувате вашето бебе од цуцла, толку ќе биде потешко.
„Едногодишно дете веќе ќе биде приврзано за цуцлата и ќе биде свесно за неа. Среќно!“, порачува тој.
