Во услови кога е присутна голема културна разноликост и кога ни се наметнува потребата за разбирање и зборување што повеќе јазици, родителите често се прашуваат како можат да им помогнат на децата и кога е вистинското време за учење странски јазик.
Пред почетокот на учење на странски јазик, потребно е детето да го совлада мајчиниот јазик, за подоцна да не наиде на потешкотии во неговото совладување. Неопходно е логопед да направи проценка на говорно-јазичните способности, како би биле сигурни дека учењето на нов јазик нема да ја поремети основата на мајчиниот, туку ќе ја надогради.
Неврофизиолошките механизми кои се одговорни за усвојување како на мајчиниот, така и на странскиот јазик слабеат по одреден период од животот. Веќе после 5. година, детето послабо може да усвои фонолошки правила и морфосинтаксички основи на јазикот, кои дотогаш несвесно и автоматски ги усвојувало.
Како минуваат годините и како детето расте, тоа почнува со полесно усвојување на граматички правила на некој јазик и тоа усвојување тече со свесни процеси. Тоа не значи дека постарите деца и возрасните кои подоцна учат некој странски јазик нема да успеат да го научат, туку значи дека нивниот начин на учење ќе биде поинаков. Тие нема да го усвојуват странскиот јазик несвесно, туку свесно и тојпроцес ќе теле по поинаков пат и со други неврофизиолошки механизми, отколку кај децата помлади од пет години.
