Најдобро, велат стручњаците, е детето да се одвикне од пополадневно спиење кога тоа ќе почне да се меша со ноќното спиење. Многу родители признаваат дека попладневниот сон го практикуваат колку подолго можат, со оглед дека често во тоа време стигаат да извршат некои други работи. Но, кога поради попладневниот сон имате проблеми со споењето на детето навечер, размислете да укинување на спиењето преку ден.
“Повеќето бебиња се одвикнуваат од утринската дремка до 18. месец, а 10 до 25 проценти од децата престануваат да спијат преку ден до третата година“, велат психолозите и додаваат дека до четвртата година повеќето деца престануваат да спијат преку ден.
СОВЕТ
Ако сте во ситуација во која морате детето да го присилувате на попладневен сон, обидете се да прескокнете неколку дена по ред и видете како детето ќе реагира. Ако стане нервозно и брзволно и има проблеми со спиењето во текот на ноќта – тоа е поради тоа што е преуморно. Затоа, почекајте со одвикнување од попладневното спиење наредните неколку месеци.
Кога детето ќе биде подготвено да се одвикне од попладневниот сон, бидете сигурни времето за спиење да биде доследно или поместете го малку порано од претходното време. Запомнете дека не морате засекогаш да се “поздравите“ со попладневниот сон. Ако детето имало исклучително исцрпувачки ден, можеби ќе сака да отспие преку ден, а вие само слободно придружете му се !
