Прва колонизација на бактериите во усната шуплина се случува при поминувањето на плодот низ вагината на мајката. Тогаш, во устата на бебето, како и во носот, слузокожата на очите и кожата се населуваат корисни добри бактерии во кои предничат млечните бацили.
Оваа прва бактериска флора служу да ги разложува остатоците од млеко во усната шуплина, но и да се бори против штетните бактерии, штитејќи ја слузокожата. Воедно, тие го подигаат имунитетот на бебето.
Во текот на периодот на доенче, а пред никнување на забите, потребно е понекогаш со газа да се пребришат непцата, доколку има наслаги од млеко. Тоа се прави кога бебето е гладно, за да не го поврати оброкот. Наслагите од млеко се јавуваат дури и на првиот заб, кој мора да се мие редовно, како да се присутни сите 20, а не само првиот.
За почеток е доволна влажна четкичка за заби и со нежни движења, наслагите лесно се отстрануваат.
На 10. месец можно е да се воведе паста за заби без флуор, без парабени, сулфати и штетни состојки. На паста со флуор се преоѓа кога детето ќе научи свесно да ја плука пената од пастата. Флуорот ги јакне забите, но не е пожелно да се голта.
Миењето заби, од никнување на првиот, треба да стане утринска и вечерна рутина на секое дете.
