80-годишен маж со медицински проблеми може да се справи доста добро со болеста. Понекогаш 40-годишна жена без медицински проблеми не успева во тоа, вели д-р Кофи
Откако ќе се појават симптомите, некои рани знаци на коронавирусната инфекција треба да се третираат со поголема претпазливост од останатите.
„Јас секако секогаш би го прашала пациентот за отежнато дишење пред било што друго, затоа што тоа е човек на кого треба веднаш да му се помогне“, вели д-р Меган Кофи, клинички инфектолог, во изјава за „Бизнис инсајдер“.
Пациентите кои развиваат акутен респираторен дистрес синдром (ARDS), можеби ќе треба да бидат ставени на респиратор на интензивна нега. Д-р Кофи проценува дека еден од четири хоспитализирани пациенти со COVID-19 завршува на Одделот за интензивна нега. Оние кои на крајот ќе бидат отпуштени од болница, додава таа, треба да бидат свесни дека им е потребен уште еден месец одмор, рехабилитација и закрепнување.
Но, гледајќи го текот на коронавирусните инфекции засновани на база на просекот може да се скрие фактот дека болеста често не напредува линеарно.
„Курсот на болеста може да се влоши прогресивно чекор по чекор. Еден ден пациентот е добро, следниот ден е лошо“, вели инфектологот.
„80-годишен маж со медицински проблеми може да се справи доста добро со болеста. Понекогаш 40-годишна жена без медицински проблеми не успева во тоа“, додава таа.
