Болките во стомакот се меѓу најчестите проблеми на кои се жалат децата. Но, според последното истражување спроведено во САД, родителите често неправилно се справуваат со овој проблем. Имено, во рамки на студијата биле анкетирани 1060 родители на деца на возраст од три до 10 години при што дури еден од шест родители (17%) рекол дека нивното дете има болки во стомакот барем еднаш месечно, но 42% не разговарале воопшто за тоа со својот лекар.
Вообичаени причини за болки во стомакот кај децата се проблеми со варењето, запек, гасови, труење со храна и вирусни инфекции. Од посериозните состојби, најчесто е воспаление на слепо црево
„Тоа не е изненадување“, вели педијатарот Кристина Џонс, портпаролка на Американската академија за педијатрија.
Но, бидејќи честите болки во стомакот може да бидат знак за основни проблеми, вклучувајќи гастроинтестинални проблеми и анксиозност, таа ги охрабрува родителите да му го предочат проблемот на лекарот.
Вообичаени причини за болки во стомакот кај децата се проблеми со варењето, запек, гасови, труење со храна и вирусни инфекции. Од посериозните состојби, најчесто е воспаление на слепо црево.
Честите болки во стомакот може да бидат знак на анксиозност
Понекогаш хроничната абдоминална болка кај децата е ран знак за ментални или емоционални проблеми. Дури 27 % од родителите ја припишуваат стомачната болка на нивното дете на анксиозност, грижа, избегнување на училиштето или обид да се привлече внимание.
Ако не се решат раните симптоми на анксиозност, тие може да се развијат во посериозни однесувања, како што се повлекување од социјални активности, промени во начинот на исхрана и спиење и лоши оценки.
Понекогаш хроничната абдоминална болка кај децата е ран знак за ментални или емоционални проблеми. Дури 27 % од родителите ја припишуваат стомачната болка на нивното дете на анксиозност, грижа, избегнување на училиштето или обид да се привлече внимание
Кога да се оди на лекар?
Според педијатрите, неопходно е да се побара лекарска помош во три ситуации. Прво, ако болката се наоѓа во долниот десен дел на абдоменот, тоа може да укаже на апендицитис. Второ, ако абдоминалната болка е придружена со симптоми како температура, повраќање и крв во столицата или ако стомакот е тврд или отечен. Трето, ако болките во стомакот го спречуваат детето нормално да јаде или да си игра.
„Правилното решавање на болката во стомакот кај кај децата не е само моменталното лекување. Чести причини се запекот и проблемите со варењето, па можеме да размислиме за некои превентивни мерки како што се промена на исхраната, пиење повеќе вода, избегнување на високо преработена храна или консумирање повеќе влакна“, забележува Џонс.
А ако родителите се сомневаат на тоа дека болките во стомакот на нивното дете може да бидат резултат на вознемиреност или грижа, не треба да го отфрлат тоа. Изнесувањето на проблемот пред вашиот педијатар е добар прв чекор.
