Кога можете да почнете да му давате на вашето бебе вода од чешма? Одговорот на ова прашање зависи од тоа каде живеете, од поднебјето и квалитетот на водата. На доените бебиња во првите шест месеци не им е потребно да им се нуди вода, бидејќи се што им е потребно добиваат од мајчиното млеко. Бебињата кои се хранат со формула генерално јадат формула направена со вода за бебиња, обична флаширана вода или вода од чешма која е превриена, а потоа изладена до потребната температура.
По шест месеци, отприлика во периодот кога на бебињата почнува да им се воведува кашички и цврста храна, се појавува и потреба од дополнителна вода. Како и при подготовката на адаптираната формула, се препорачува флаширана или превриена вода од чешма. Во почетокот, на бебето му се доволни само една или две лажички вода. Во топлите летни месеци, на бебињата, исто како и нас, ќе им требаат повеќе течности, затоа треба да се прилагодите на потребите на вашето бебе.
Како што расте бебето, така се зголемува и потребата за течности. Како за големите, така и за најмалите најдобар можен избор на течност е токму водата. Понекогаш се препорачува консумирање на чаеви, но треба строго да се избегнуваат какви било засладени течности.
На доените бебиња во првите шест месеци не им е потребно да им се нуди вода, бидејќи се што им е потребно добиваат од мајчиното млеко. Бебињата кои се хранат со формула генерално јадат формула направена со вода за бебиња, обична флаширана вода или вода од чешма која е превриена, а потоа изладена до потребната температура
Зошто се преврива водата од чешма?
Единствената причина зошто водата од чешма се преврива е од хигиенски причини, а бидејќи живееме на поднебје каде што водата е квалитетна и целосно погодна за пиење, вриењето често е непотребно. Но, без оглед на тоа, повеќето родители сепак ја провриваат водата неколку месеци по воведувањето или му нудат на бебето флаширана вода, веројатно најмногу поради своја безбедност. Ако живеете во област каде што водата е со висок квалитет, не треба да се плашите за здравјето.
Но, во голем дел од светот водата оправдано се преврива бидејќи не е хигиенски исправна. На пример, во Австралија се препорачува да се започне со давање вода по шестмесечна возраст, додека до првиот роденден се препорачува водата за бебињата да се превари и да се олади пред консумирање. Во САД, препораките велат дека можете да му понудите вода од чешма на вашето бебе по шестмесечна возраст. Ист е случајот во Обединетото Кралство и поголемиот дел од Европа.
Дали бебињата смеат да пијат филтрирана вода?
Кога консумирате филтрирана вода од бокали со различни филтри за прочистување, многу е важно филтрите да се менуваат редовно и да се користат во согласност со препораките на производителот. Погрижете се филтерот да не е потопен долго време во вода, кога бокалот е наполнет до врвот, бидејќи тоа може да создаде дополнителен проблем и да овозможи бактериите уште побрзо да се размножуваат во водата.
Како што расте бебето, така се зголемува и потребата за течности. Како за големите, така и за најмалите најдобар можен избор на течност е токму водата. Понекогаш се препорачува консумирање на чаеви, но треба строго да се избегнуваат какви било засладени течности
Дали бебињата можат да пијат флаширана вода?
Флашираната вода не е идеален избор, бидејќи повеќето луѓе тогаш всушност избираат негазирана минерална вода, која може да содржи премногу сол и сулфати, кои краткорочно нема да наштетат, но долгорочно може да бидат лоши за вашето дете. Да, митот е срушен, освен ако не купувате вода специјално за бебиња, всушност зовриената вода од чешма е најдобриот избор.
Вода за пиење и вода за подготовка на адаптирана формула
И во двата случаи важат истите правила, водата за формулата исто така треба да биде свежо зовриена. И за пиење и за подготовка на формулата, флашираната вода не е најдобриот избор поради додадените соли и сулфати. Единствената очигледна разлика е температурата на зовриената вода кога се користи. За формулата, водата дефинитивно треба да биде потопла за убаво да се растопи формулата и да не останат грутчиња. Кај зовриената вода за пиење, важно е да се внимава водата по вриење да не се остава да се излади повеќе од 30 минути, бидејќи тогаш може повторно да дојде до размножување на бактериите во вода на ниска температура.
