Во првата година, бебето треба да спие без перница, како и играчки, поради опасност од гушење, но стручњаците тврдат дека ниту постарите деца не треба да спијат со перница.
“Иако често се продаваат со постелнини за кревети, перниците не се препорачуваат за деца помлади од две години. Всушност, и на постарите деца исто така не им се потребни перници. Родителите често мислат дека перницата на детето ќе му обезеди дополнителна удобност, не сфаќајки дека на детето му е добро и без неа“, објаснува Џудит Овенс, педијатар и советник за спиење кај децата, и додава дека е најдобро да се почека детето да се премести од мало креветче во голем кревет.
Сепак, дополнува д-р Овенс, ако сакате вашето дете да има перница и пред таа возраст, важно е да се обезбеди мала поцрвста перница. Избегнувајте перничиња со пердуви, оти се премногу меки, може да предизвикаат алергија, а главата може да пропадне во перницата и да предизвика гушење.
