Многу родители за секоја зголемена температура, необична столица, осип или пак за гласно плачење, во паника истрчуваат кај својот педијатар или во дежурните служби. Лекарите велат дека во овие, но и сите останати ситуации родителите треба да бидат присебни, и советуваат за тоа кои симптоми кај детето може да се игнорираат, а поради кои сепак е потребно да се побара помош.
ОСИП
Осип на вратот на бебето или на темето може да изгледа загрижувачки, но малите деца често имаат различни осипи и повеќето минуваат сами од себе. Доенечките акни и осип од жештина ќе исчезнат по некое време без никаков третман, само треба да се користи нежен детски сапун и да се одржува кожата сува.
Пеленскиот осип исто така најчесто минува за неколку дена, со често менување на пелените, ветреење на пеленското подрачје и користење на заштитна крема, но ако состојбата се влошува, можеби станува збор за габична инфекција за која педијатарот треба сда ви препише посебна маст. Исто така, на педијатар се оди ако детето е помладо од шест недели, и ако со осипот се јавуваат и гнојни пликови или красти, осипот е проследен со зголемена температура, отечени лимфни јазли, ако губи на тежина, не изгледа добро и осипот се шири надвор од пеленската регија, како и кога стсотојбата и покрај лекувањето, не се подобрува за два до три дена.
ТЕМПЕРАТУРА
Иако го вознемирува секој родител, а кај некои предизвикува и страв наречен температурофобија, високата телесна температура сама по себе не значи ништо и всучност е знак за некое случување, односно болест.
“Некои вообичаени препораки кои со години се провлекуваат, а до кои ние педијатрите се држевме во секојдневната пракса – да над одредена температура треба да се дадат лекови за намалување – денес повеќе не се применуваат. Според современите ставови, единствено мерило за намалување на температурата е општата состојба на детето. Тоа значи, ако детето има на пример температура 37,3 и изгледа уморно и малаксало, треба да му се даде лек за намалување, додека дете кое има 39 степени и трча низ дома, лек не му е потребен“, вели педијатарот д-р Милош Јованчевиќ.
Според него, кога на дете помало од шест месеци ќе му се покачи телесната температура, потребно е во рок од 24 часа да се однесе кај педијатар. Температура од 39 степени со треска може да биде знак за сериозна инфекција, особено ако детето повраќа или има осип. Но, ако општата состојба е добра, дете постаро од шест месеци може да се лекува и дома. Кај постари деца може да се почека два до три дена, оти можно е зголемената температура спонтано да исчезне“, вели д-р Јованчевиќ.
