Секое дете има различен пристап кон хранењето, единственото заедничко на сите деца е дека мајчиното млеко е најдобрата можна храна што можат да ја добијат во првите денови од својот живот и дека кај ексклузивно доено дете не треба да се додаваат никакви течности. Имајќи го тоа предвид, ви претставуваме седум чести заблуди за доењето, количината и квалитетот на млекото, поради кои, многу мајки неоправдано се откажуваат од доењето.
- Градите се празни
Полноста на градите не е добар показател за количината на мајчино млеко што ја исцицало бебето. Оваа ситуација може да се смени за неколку часа. Честопати жените кои често и правилно ги поставуваат бебиња на своите гради, никогаш не чувствуваат прекумерна исполнетост во дојките. Но, понекогаш надоаѓа повеќе млеко отколку што му треба на бебето. Во ниту една ситуација не можеме да бидеме сигурни дека бебето испило доволно млеко, само полноста на дојките е единствениот показател.
- Детето навечер често се буди
Фактот дека бебето спие цела ноќ не е показател дека испило доволно мајчино млеко. Напротив, ако дете старо 10 дена спие цела ноќ,најчесто недоволно јадело. Познато е дека дете кое премногу спие и не бара само да јаде, не добива доволно млеко. Постојат многу исклучоци, но во овој случај треба да се побара стручна помош.
- Детето плаче по подојот
Иако детето, по оброкот, може да плаче од глад, постојат и други причини зошто може да плаче. Нема потреба да го ограничувате времето на доење. И спротивно на честите совети да се дои 20 минути на едната дојка, па исто толку на другата дојка, би било подобро да го завршите хранењето на едната дојка, а дури потоа да преминете на другата, доколку детето го сака тоа.
- Детето често цица или цицањето долго трае
На една мајка, да го храни детето на секои три часа може да и се чини пречсето, додека на друга, периодот и е предолг. Хранење кое трае 20 минути за една мајка е предолго, а за друга прекусо. Во реалноста, не постои правило колку долго и колку често треба да се храни детето.
Не е точно дека детето добива 90 проценти од храната во првите 10 минути цицање. Дозволете му на детето само да одреди распоред на своето хранење. Запомнете и дека детето може да ви биде на гради 24 часа, но ако не цица правилно, нема да испие доволно за оброк. Ако детето брзо заспие на дојката, постојат начини со кои може да го “натерате“ да продолжи да јаде.
- Можам да измолзам само половина од потребната количина за оброк
Ова не значи апсолутно ништо и не треба да се грижите за тоа. Поради оваа причина, не треба да ги измолзувате градите само “за да знаете“. Повеќето мајки имаат доволно млеко. Најчеста причина поради која бебето не добива доволно млеко, кое може да го добие и е во градите, е лошата положба или неправилно цицање или и двете. Овие проблеми обично може лесно да се решат.
- Детето сака шише после подојот
Ако на детето му понудите шише после доењето и тоа го прифати, тоа не мора да значи дека е гладно по доењето, а овој начин на проверка му штети на квалитетното доење.
- Бебе старо пет недели се трга од градите, но сепак се чини дека е гладно
Ова не мора да значи дека мајчиното млеко “прсушило“ или изгубило на квалитет. Во текот на првите недели од животот, бебињата обично заспиваат на града кога протокот на млеко се намалува, дури и ако не завршиле со хранење.
Постарите деца (од четири до шест недели) повеќе не треба да заспиваат на дојка за време на хранењето и често се тргаат од градите. Тоа не значи дека количината на млеко е променета, туку дека се менува детето. Постојат одредени методи, како што е притисокот врз градите, за да се “убеди“ детето да продолжи да цица.
