Многу родители мислат дека бебињата треба да јадат само безвкусна храна, но вистината е поинаква. Додека текстурата на храната мора да биде соодветна за возраста, вкусовите можат да бидат разновидни и забавни за детето. Со постепено воведување на благите зачини, бебето може да почне да открива нови ароми уште од првиот контакт со дохрана.
Врежано е мислењето дека храната на детето треба да биде блуткава, но тоа не е вистина. Бебињата исто така може да уживаат во бројни зачини, но важно е да се додаваат постепено и во мали количини.
Зачините полека во исхраната на детето може да се воведат кога тоа ќе наполни шест месеци, односно кога ќе се почне со воведување на дохрана. Сепак, оние поинтензивни зачини не ги додавајте во исхраната на детето пред деветиот месец од неговиот живот. Од друга страна, американските педијатри сметаат дека зачинувањето на детската храна со билки треба да се прави пред осмиот месец.
Од зачините кои може да ги користите најдобро е да ги изберете оние кои се карактеристични за нашата кујна:
- Магдонос
- Босилек
- Оригано
- Рузмарин
- Копар
- Мајчина душица
- Нане
- Ким
- Ловоров лист
- Цимет
- Жалфија
- Ѓумбир
- Лук
- Кумин
Сувите зачини имаат поинтензивен вкус од свежите, па во храната се додаваат двојно помалку. Зачините додадете ги пред крајот на подготовка на оброкот за детето.
