Кога се вели чај, важно е, потенцираат нутриционистите дали мислите всушност на топла напивка од шипка, камилица, липа, нане или слично кои во себе не содржат теин, или под поимот чај мислите на црн, зелен, бел или жолт. Значи, објаснуваат експертите, првите наброени апсолутно се препорачливи за време на бременоста со малку лимон и мед, а ако ги консумирате без ништо тогаш ќе бидат одличен извор на течности.
Што се однесува до вистинскиот чај (црн, зелен, бел или жолт), тоа е напивка која во себе има одредена количина на теин. Теинот т алкалоидна состојка во чајот, како кофеинот која може да предизвика несакани реакции на организмот: зголемен крвен притисок, срцебиење, црвенило на лицето, тресење, нервоза и слично. Затоа, ако сепак уживате во овој вид на чај, нутриционистите советуваат тоа да биде една шолја дневно, исто како и препораката за консумирање кафе. На тој начин, додаваат тие, нема да го загрозите ниту своето, ниту здравјето на бебето.
