Истражувачите од Универзитетот на Западна Англија, чија статија беше објавена во списанието „Journal of Epidemiology & Community Health“, анализирале податоци од речиси 4.000 деца родени во периодот 1991-1992 година. Кога овие деца имале 14 години, од нив било побарано да оценат на скала од пет точки колку им се допаѓаат различни аспекти од нивниот изглед – тежина, фигура, градба, гради, стомак, половина, колкови, задник, нозе, лице, коса.
Се покажало дека девојчињата во просек се многу понезадоволни од својот изглед отколку момчињата. Најчесто девојчињата не ја сакале нивната тежина и фигура, а момчињата не биле задоволни од нивната фигура.
Кога тинејџерите наполниле 18 години, сите биле рутински тестирани на симптоми на депресија. Кај девојчињата, ризикот од депресија генерално бил поголем отколку кај момчињата – барем една таква епизода пријавила секое десетто девојче и секое дваесетто момче.
Анализата на собраните информации покажала дека постои јасна врска помеѓу незадоволството од својот изглед во адолесценцијата и депресијата во староста – колку повеќе на тинејџерот не му се допаѓа она што го видел во огледалото, толку е поголем ризикот дека ќе развие депресија во зрелата возраст.
Во исто време, депресијата кај момчињата, иако се јавува поретко, е многу потешка отколку кај девојчињата, откриле истражувачите. Тие сугерирале дека додека „совршените“ слики на тела водени од социјалните мрежи вршат притисок врз сите тинејџери, момчињата се почувствителни на тој притисок, што на крајот може да предизвика депресија.
