Клиничкиот психолог Наден ван дер Линден открива какви карактеристики имаат родители кои го воспитуваат и растат своето дете на добар начин. Како што објаснува експертот, речиси сите одлични родители имаат две карактеристики кои гарантираат дека еден ден нивното дете ќе порасне во добро воспитана и среќна личност.
Не се склони кон критикување
Како што објаснува психологот, одличните родители никогаш не го критикуваат своето дете за неговите избори, интереси или однесување. Наместо тоа, на мирен начин и преку нивниот пример, тие им покажуваат како треба да се однесува детето. Истражувањата покажале дека прекумерната критика на детето може да доведе до негативни последици по неговото ментално здравје, а децата кои растат со такви родители се повеќе склони кон вознемиреност, депресија и затворање.
Ги поттикнуваат интересите и идеите на детето
Многу родители уште пред раѓањето на детето, имаат одредени планови и идеи за него, но реалноста е малку поинаква. Со оглед на тоа што детето е личност со свои идеи и интереси, психолог открива дека карактеристиката на одличните родители е поттикнување на истите.
„Кога не ги поддржуваме желбите и интересите на детето, туку го присилуваме на некои работи што очигледно не ги сака, тоа може да резултира во штетни последици. Имено, децата во тој случај честопати се чувствуваат неуспешно, под голем притисок и се склони целосно да избегнат одредени активности кои до неодамна им биле интересни“, објаснува таа.
