Главоболките не ги одминуваат ниту децата. Во најголем процент станува збор за безопасна и незагрижувачка болка, и тоа предизвикана од ненаспаност, благ удар во главата или ненавремен оброк и дехидрираност. Но, може да се случи детето подолго да чувствува главоболка и истата да е проследна со други симптоми.
Повеќе фактори може да се причина за појава на главоболка кај детето, и од нив зависи и нејзиниот интензитет.
ПРИЧИНИ
Обично децата имаат ист тип на главоболка како и возрасните. Често главоболките се од наследен карактер, така да ако вие како родители ги имате, и вашето дете може да ги добие.
- Одредени лекови
- Премалку сон или промени во начинот на спиење
- Прескокнување оброци
- Дехидрираност
- Изложеност на стрес
- Мала повреда на главата
- Употреба на компјутер или гледање ТВ подолго време
- Месечен циклус
- Промена во нивото на хормони
- Долг пат во автомобил или автобус
- Слушање прегласна музика
- Внесување на премногу кофеин преку храна или пијалаци (газирани сокови, чај и чоколадо)
- Консумирање на одредени намирници кои содржат глутаминат
Но, во одредени слуачи, главоболката може да биде предизвикана и од одредени инфекции, како:
- Воспаление на уво
- Настинка или грип
- Синусни инфекции
- Гнојно воспаление на грло
- Инфекција на уринарниот тракт
