Кои професии или занимања се сега популарни, а кои ќе бидат за 10 години? Кој полесно, а кој потешко ќе се вработи? Кога е во прашање генерацијата З, односно денешните тинејџери, нови истражувања покажале кои се нивните избори на кариера.
Секако, изборот на идна професија никогаш не е лесен, бидејќи од тоа зависат многу нешта. Некои ќе останат во истата бранша до крајот на животот, некои можеби ќе направат голем животен пресврт по неколку години: Но, оној момент кога размислуваат за тоа, на тинејџерите им е најважно тоа да е нешто што ги исполнува и да го работат она што го сакаат и во што се добри.
Притоа многу е важна и родителската поддршка и охрабрување, бидејќи токму родителите се тој столб на поддршка кој ќе овозможи овој избор да не се сфати несериозно.
Анкети спроведени на над 2.000 студенти од целиот свет донесуваат вакви резултати:
- 17 проценти од студентите се заинтересирани да станат биомедицински инженери
- 16 проценти сакаат да се реализираат во областа на медицински научници
- 10 проценти се одлучиле за мултимедијални дизајни и анимации
- 8 проценти избираат графички дизајн
- уште 8 проценти сакаат да бидат клинички психолози
Она што е посебно интересно е дека на сите овие полиња на интерес предничат жените, што не било случај во изминатите години.
Кога ќе се погледнат подрачјата на интерес на генерацијата З, не треба да бидеме изненадени од нивниот избор. Индустријата за графички дизајн порасна за 32 отсто, додека модниот дизајн порасна за 15 отсто. Но, психологијата доживеа најголем пад што се однесува до овие занимања, па е намалена за 6 проценти од 2020 година.
