Пикот на женската плодност е помеѓу 20 и 24 години. Но, плодноста останува релативно стабилна и во раните 30. години. Кај жените на возраст од 35 до 39 години намалувањето на плодноста изнесува 25 до 50%, а помеѓу 40 и 45 година, плодноста може да се намали и до 95%. Постои и поголем ризик за раѓање на дете со мала родилна тежина, предвремено породување, како и останати компликации по плодот.
- Има ли во вашето или во семејството на партнерот наследни болести?
Ако вие или вашиот партнер/сопруг имате близок роднина со наследна болест,постои можност и детето да ја наследи. Посоветувајте се со лекар пред зачнување.
- Дали сте отпорни на рубеола?
Доколку во текот на бременоста добиете рубеола, посебно во раниот период од бременоста кога се развиваат органите кај фетусот, детето може по раѓањето да има сериозни оштетувања. Затоа, пред бременоста, замолете го својот матичен лекар да ви направи крвни анализи за да бидете сигурни дека сте имуни на оваа болест. За оваа болест, постои и вакцина.
- Боледувате ли од било каква хронична болест?
Ако имате било каква хронична болест како шеќерна болест, зголемен крвен притисок или епилепсија, побарајте стручен совет пред бременоста. Лекарот можеби ќе треба да ви ја промени терапијата, зависно од тоа дали лековите кои ги земате може штетно да влијаат врз плодот или да ја отежнат можноста за зачнување.
- Земате или сте земале контрацептивни таблети?
Во консултација со вашиот гинеколог, доколку планирате бременост прекинете ја контрацепцијата, но никако на своја рака.
- Дали на работното место сте изложени на некакви опасни делувања?
Доколку вие и вашиот партнер извршувате работа која вклучува работа со хемиски средства. Олово, анестетици или рендгенско зрачење, тоа може да ја намали можноста за релизирање на бременост или да е штетно за детето. Разговарајте со својот лекар за евентуалните опасности и мерки кои треба да ги превземете.
- Пушач сте и консумирате алкохол
Планирањето бременост е одличен поттик за откажување од цигари и од алкохол. И двете рааботи штетно влијаат на плодноста, а истовремено може да му наштетат и на плодот.
- Колкава е вашата телесна тежина?
Нормалната телесна тежина е клучна за реализирање на саканата бременост. Доколку имате вишок килограми, може да дојде до појава на проблеми при зачнувањето, а прекумерната телесна тежина претставува сериозна закана за време на бременоста и по мајката и по детето.
