Развојот на самодовербата кај детето зависи од многу различни фактори, објаснуваат психолозите. И додека некои работи можат да доведат до поголема самодоверба, други може сериозно да ја оштетат. Имено, ниту едно дете не се раѓа со ниско ниво на самодоверба, туку додека расте се среќава со бројни предизвици и појави кои влијаат на тоа дали е сигурно или не во себе.
Едно нешто што негативно влијае на развојот на самодовербата на детето, го прават огромното мнозинство родители, често сосема несвесно. Се работи за постојано критикување. Иако е разбирливо дека од време на време секој родител ќе има поплаки за однесувањето или постапките на своето дете, претерувањето со критики може да доведе до недостаток на самодоверба кај детето и да доведе до чувство на несигурност, анксиозност, а често и развој на депресија.
Друг фактор што може да влијае на недостатокот на самодоверба кај детето се преголемите очекувања од околината. Без разлика дали тоа се очекувањата на родителите на детето, наставниците или подалечени роднини, сето тоа може да доведе до притисок врз детето и проблеми во развојот на неговата самодоверба.
На самодовербата на детето може да влијае и неговата здравствена состојба. Истражувањата на оваа тема покажаа дека одредени здравствени состојби како хронична болест или моторни ограничувања може да предизвикаат ниско ниво на самодоверба.
