Покачената телесна температура кај децата е еден од најчестите симптоми на разни болести, а често доаѓа придружена со одредени митови во кои многу родители се уште веруваат. Како што објаснува медицинската сестра Ники Јуркуц, постојат дури четири митови за покачената температура кај децата кои не се вистинити, а кои многу родители сè уште слепо ги следат.
Секоја покачена температура треба да се намали со лекови
Една од најголемите грешки што ја прават родителите кога нивното дете добива температура е веднаш да му дадат супозитории или сируп за да ја спуштат што е можно поскоро. Меѓутоа, како што тврди Јуркуц, треската е потребно да се лекува само со лекови врз основа на симптомите. Ако вашето дете има болка и непријатност, дајте му лекови за ублажување на болките. На телото не му требаат лекови за да се избори против покачената температура.
Секоја температура над 40 степени е опасна
Како што објаснува Јуркуц, многу родители погрешно мислат дека секоја температура е крајно опасна. „Ако вашето малечко има висока температура, но инаку е добро хидрирано и не покажува никакви невообичаени симптоми, тоа би можело да биде сосема нормален начин да неговото тело да се бори против инфекцијата“, вели таа.
Температурата предизвикана од инфекција може да доведе до оштетување на мозокот
Температурите над 42 степени може да предизвикаат оштетување на мозокот, а телото ја достигнува таа температура само под влијание на факторите на околината како што е оставање во жежок автомобил, а не поради треска предизвикана од инфекција, објаснува медицинската сестра.
Колку е повисока температурата, детето е во полоша состојба
Иако многу родители веруваат во овој мит, тој всушност не е вистина, тврди медицинската сестра. Имено, таа објаснува дека симптомите што ги покажува вашето дете се многу подобар показател за сериозноста на причината за покачената температура. „Секогаш следете ја состојбата на вашето дете, а не само бројот на термометарот“, додава Јуркуц.
