Општеството се менува, а денешните родители поинаку го минуваат времето со своите деца. Децата се фокусирани на новата технологија, па на сите ни чини дека не поминуваат доволно време надвор и дека не се забавуваат.
Сите тие промени донесоа нови предизвици за младите родители. Повеќето од нив се прашуваат: “пропуштам ли нешто“, “Правам ли се најдобро за своето дете?“, “ Ќе успее ли моето дете во животот?“.
Психолозите од Универзитетот Харвард ги поставиле истите прашања и утврдиле што е најважно за одгледување и воспитување на детето, а некои работи не се така комплицирани како што се чинат понекогаш.
Минувајте квалитетно време со детето
Не е доволно само физички да бидете до своето дете – бидете целосно до него. Отворено зборувајте со него, слушајте го внимателно и правете нешто заедно. Вашето дете сака со Вас да ги подели своите искуства и да има вистинска личност до себе за разговор.
Прашајте го како го поминал денот, што го мачи и внимателно слушајте ги неговите дилеми. Уживајте во неговите омилени игри – детето сака да се забавува со вас. Читајте сликовници или киниги пред спиење или во текот на денот, ако детето е расположено за таква активност.
Секогаш кажувајте му на детето колку ви значи
“Иако повеќето родители велат дека детето им е на прво на листата на приоритети, детето често не ја слуша таа порака“, велат психолозите. Затоа е важно да му кажете на детето колку ви е важно и колку го сакате и тоа често, и така ќе сфати дека е сакано, сигурно и ценето.
Научете го детето како да решава проблем
Донесувањето одлуки е дел од нашиот живот, и покажете му на детето како да донесува одлуки. На пример, ако вашето дете одлучи дека не сака веќе да игра фудбал, проучете со него кои се тие причини зошто тоа го сака. Помогнете му да сфати што одулката за престанување ќе му донесе, сака ли да припаѓа на тој тим и ако има некој проблем помогнете му го да го реши. Ако и натаму сака да прекине со таа активност, помогнете му да најде нешто ново што ќе му одговара.
Научете го да ви помага секој ден и заблагодарете му се за тоа
Истражувањара покажуваат дека лицата кои научиле да изразуваат благодарност имаат повеќе сочувство за другите, великодушни се и сакаат да помогнат. Затоа, организирајте дневни активности во кои и детето може да ви помогне ( во склад со неговите години), а вие заблагодарете му се на неговиот труд и соработка.
Научете го како да се носи со негативните емоции
Помогнете му на детето да сфати што чувствува и како емоциите како лутинам срам, завист влијаат на него. Научете го како да ги решава внатрешните конфликти. Исто така, поставете јасни и разумни граници кои се важни за неговата безбедност.
Покажете му колку светот е голем, интересен и сложен
“Повеќето деца сочувствуваат со мал круг на своето семејство и пријатели“, велат научниците. Покажете му на детето дека постојат луѓе кои живеат надвор од нивниот круг. Научете го да ги слуша другите, да знае да се стави во туѓи чевли и да сочувства. Важно е да се научи детето дека неговите мисли и дела влијаат на заедницата.
