Од болести на срцето не заболуваат само возрасните, туку и децата. Според кардиолозите, најраспространети болести на срцето кај децата, во овој регион, се хипертензијата, пореметување на срцевиот ритам и дебелината. Децата кои имаат хипертензија се кандидати за рана појава на зголемен крвен притисок во животот, што значи по 30. и 40. година, ценат кардиолозите.
Меѓу кардиоваскуларните болести, најчести се вродените срцеви мани, а се поголема е групата на стекнати болести, кој најчесто се среќаваат во адолесценцијата, а тоа се зголемен крвен притисок, дебелина и забрзан ритам на срцето.
Кардиолозите нагласуваат дека вродената болест не значи дека таа е наследена од претците, туку дека генетскиот материјал се менува за време на бременоста.
Денес, објаснуваат кардиолозите, постои нешто што се нарекува “пигенетика“, т.е. дека децата плаќаат за “гревовите“ на своите родители. Како пример тие посочуваат трудница која за време на бременоста држи строга диета, за да одржи убава фигура, чие дете понатаму ќе има доживотен проблем со дебелината. Се промениле гените и регулацијата на ниво на централниот нервен систем, потенцираат стручњаците.
Што се однесува до адолесцентите – бројни се лошите навики на децата: стрес, депресија која води кон дебелина, енергетски напитоци – тоа е она што е најчеста причина, нагласуваат педијатрите.
Тие наведуваат дека клучна улога играат систематските прегледи кај децата. Истовремено, важна е улогата во делот на превентивата, и дијагнозата на педијатарот, кој препознава дали има или не шумови на срцето и упатува, ако е потребно детето да оди на кардиолог.
