Во настојувањето да воспитаат и пораснат успешни и отпорни деца, многу родители се свртуваат кон строг начин на воспитување. Истражувањата покажале дека претераното разгалување е лошо за децата, а строгото родителство исто така има бројни штетни последици и врз физичкото и менталното здравје на децата. Како што пишува Times of India, постојат неколку потенцијални негативни последици од овој тип на воспитување.
Една од овие последици е стресот. Како што објаснуваат психолозите, децата кои растат со строги родители често се под постојан притисок да направат се како што треба и се плашат од неуспех. Поради ова, тие често можат да бидат под стрес, оптоварени со очекувањата на нивните родители, кои во повеќето случаи не се ниту реални, ниту разумни.
Кај децата кои имаат строги родители, повлекувањето и склоноста кон депресија се исто така чести. Имено, истражувањата покажале дека децата чии родители имаат големи очекувања често избегнуваат дружење со своите врсници, се несигурни и посклони кон лошо расположение и имаат поголем ризик за развој на депресија и анксиозност.
