Породувањето е едно од најзначајните и најинтензивните искуства во животот на една жена. Многу мајки се прашуваат како се разликува првото од второто породување и што можат да очекуваат ако се подготвуваат за следното дете. Иако секое породување е уникатно, експертите и искуствата на мајките покажуваат неколку интересни разлики помеѓу прворотките и второротките, од времетраењето на породувањето до нивото на стрес и енергија потребна за фазата на „туркање“.
- Второто породување е пократко
Просечно, активната фаза на породувањето кај прворотките трае околу 8 часа, додека кај второротките таа просечно трае околу 5–6 часа, објаснуваат експертите на американскиот портал Baby Center.“
- Пократка е и фазата на „туркање“
Со оглед на тоа дека оваа фаза често е најнепријатна за време на целото породување, информацијата дека вторите бебиња се раѓаат со помалку потрошена енергија и време за туркање е охрабрувачка за идните мајки на втори и сите следни бебиња.
- Вторите бебиња се раѓаат порано
Она што е типично за прворотките е дека обично го надминуваат предвидениот термин на породување, додека кај повеќеротките е токму спротивното. Кај второто породување, бебето обично „изненадува“ неколку дена пред терминот.
- Убавата вест за прворотките – вашето бебе се подготвува порано за породување
Една охрабрувачка вест за прворотките е дека нивното бебе порано се спушта и се подготвува за породување во споредба со второротките. Првите бебиња понекогаш се подготвуваат со денови, па дури и со недели и полека го наоѓаат својот пат кон родилниот канал.
Дали поради тоа што овојпат немаат толку време да се грижат однапред за породувањето бидејќи веќе имаат мало дете кое постојано бара внимание, или пак, затоа што имаат појасни и реални очекувања – се смета дека второротките полесно се породуваат бидејќи се поопуштени и повеќе соработуваат од прворотките, кои често се во грч
Од друга страна, бебињата на второротките повеќе се потпираат на своите искусни мајки и не се толку „вредни“, туку чекаат породувањето вистински да започне за да тргнат по тој пат. Затоа е можно кај второротките фазата на туркање на бебето кон грлото на матката да биде поинтензивна.
Начинот на кој жената пристапува кон породувањето може да игра значајна улога и да ѝ помогне или да ѝ отежне за време на самиот процес
- Второротките обично се поопуштени и под помал стрес
Дали поради тоа што овојпат немаат толку време да се грижат однапред за породувањето бидејќи веќе имаат мало дете кое постојано бара внимание, или пак затоа што имаат појасни и реални очекувања – се смета дека второротките полесно се породуваат бидејќи се поопуштени и повеќе соработуваат од прворотките, кои често се во грч. Начинот на кој жената пристапува кон породувањето може да игра значајна улога и да ѝ помогне или да ѝ отежне за време на самиот процес.
Секое породување е посебна приказна. Мајките на две или повеќе деца добро знаат дека искуството со секое дете е различно и уникатно. Искуствата се различни, а тоа што експертите го забележале се генерални тенденции кај повеќето жени, но не важат за секоја поединечно. Секое породување носи свои особености, предизвици и радости, што го прави неповторливо.
