Воспитувањето е предизвик и совршени родители не постојат. Сепак, одредени карактеристики на родителите може да укажуваат на тоа дека тие се трудат да развијат здрав однос со своите деца. Психологот, д-р Џезмин Мекој, открива три особини на успешните родители. Таа тврди дека живее според овие практики бидејќи тие ја зголемуваат поврзаноста со децата.
- Позитивно зборуваат за другиот родител/старател на нивните деца
„Љубезното зборување за други возрасни лица во животот на децата, кај нив предизвикува чувство на емоционална поврзаност и самодоверба и ја намалува анксиозноста и стресот“, вели психологот.
- Не ги дисциплинираат децата во јавност
“Коригирањето на однесувањето во јавност може да предизвика непотребен срам. Наместо тоа, тргнете го вашето дете настрана и шепнете му во што е проблемот. Размислете како би сакале вашиот партнер, пријател или шеф да ви даде повратна информација и постапете во склад со тоа”, советува Меккој.
- Доследно се трудат да си играат со децата
Родителството е исцрпувачко, а играта може да одземе многу време и енергија. Но, психологот тврди дека играњето со децата носи низа придобивки за нивниот развој.
„Играта може да помогне при проблеми со однесувањето и концентрацијата. Освен тоа, го подобрува односот помеѓу децата и родителите и им помага на децата да развијат социјални вештини и способности за одлучување“, заклучува Мекој.
