Важно е, нагласуваат педијатрите, стресот кај децата да се препознае пред да стане сериозен проблем. Во денешно време сите сме под стрес и тоа премногу често. Сепак, многу родители мислат дека стресот ги погаѓа само нив, а не и нивните деца. Но, доколку децата често имаат стомачни или срцеви проблеми, често главоболки и не спијат доволно, причината веројатно е токму стресот. Научите да го препознаете на време.
Стомачни проблеми
Желудочни проблеми, мачнина, повраќање или пролив многу лесно може да бидат симптоми на стрес кај училишните деца, особено ако често се јавуваат.
Болки
Главоболка, болка во градите, во грбот или општи болки во телото (мускулите) може да се појават кога детето е под стрес. Овие болки понекогаш може да доведат до заблуда дали навистина се работи за физичка болест. Но, разни активности за опуштање може да донесат олеснување.
Срцеви проблеми
Забрзана работа на срцето и висок крвен притисок се симптоми кои може да се појават кога детето е под стрес. На учениците и на студентите кои чувствуваат срцебиење им се препорачуваат вежби за длабоко дишење или други релаксирачки активности.
Лош сон
Промена на навиките на спиење исто така се знак на стрес кај детето. Иако некои деца може да спијат многу подолго од вообичаено, вид на одрбана во броба против стресот, има многу повеќе такви кои имаат потешкотии со спиење и се будни до доцна во ноќта со анксиозни мисли.
Промени во тежината
Исто така, можно е децата едноставно да се свртат кон храната за да подобро се носат со својот стрес, додека други може да го изгубат апетитот и да ги избегнуват редовните оброци. Овие нездрави навики може да доведат до дебелеење или намалување на телесната тежина.
