Болката во грлото, односно воспалението на крајници или тонзилитис често се јавува кај децата – дури и неколку пати годишно. Во овие случаи, кога ангината се јавува неколку пати годишно, се смета за повторувачко воспаление на крајниците, вели детскиот ОРЛ, д-р Себастијен Вартел.
Што е ангина?
Постојат повеќе видови на воспаление на крајници, а најчести се белата (гнојна) и црвената ангина, кои се разликуваат според лезиите кои се појавуваат во грлото. За црвената ангина карактеристично е тоа што крајниците се црвени и отечени, додека кај белата ангина крајниците се отечени, но има и белузлава обвивка која лесно се отстранува.
“Ангина е воспаление на крајниците која може да биде црвене или беле, во зависност од пребоеноста на крајниците. Најчесто е вирусна, но може да биде и од бактериско потекло”, објаснува д-р Вартел.
Симптоми на вирусна ангина
Тонзилитисот е вирусен во околу 75 проценти од случаите, а го предизвикуваат различни вируси, меѓу кои најчести се аденовирусите и ентеровирусите. Не се лекува со антибиотици, а симптомите се претежно благи – течење на носот, болки во грлото, а понекогаш и малку покачена температура.
Со даден парацетамол по потреба, детето обично закрепнува за четири до пет дена, велат од детскиот ОРЛ.
Симптоми на бактериска ангина
Причинител за овој тип на ангина е бактеријата бета-хемолитички стрептококи од групата А, а оваа форма на воспаление на крајници ретко се јавува кај деца на возраст под три години. „За лекување на бактериска ангина, антибиотиците како амоксицилин се неопходни во третманот“, вели д-р Вартел. Кај овој тип на ангина обично температурата е висока, а грлото е прилично воспалено и црвено, односно симптомите се поизразени отколку кај вирусниот тонзилитис.
Зошто воспалението на крајници одново се појавува
Еден фактор игра одлучувачка улога во тоа колку често се јавува воспаление на крајниците или тонзилитис – големината на крајниците. “Најчесто се зема предвид големината на крајниците – колку се поголеми, толку детето е повеќе склоно кон тонзилитис. Бидејќи крајниците кај децата обично се поголеми отколку кај возрасните, тие се повеќе склони кон воспаление. Секако, во поголемиот дел од случаите, повторувачкиот тонзилитис е поврзан со големи крајници. По шестгодишна возраст, на крајниците се формираат мали пукнатини, во кои ќе се таложат клеточните остатоци, што може да биде причина за лош здив, но исто така е идеално за развој на инфекции кои односно се појавуваат,а со самото тоа и тонзилитис“, објаснува д-р Вартел.
Кога повторувачкиот тонзилитис треба да ве загрижи
Се препорачува да се јавите кај специјалист ако тонзилитисот се јавува премногу често и влијае на квалитетот на животот на детето. „Замислете, ако ја исклучиме болката од симптомите, детето да има тонзилитис пет или шест пати годишно. Поради тоа ќе изгуби повеќе од еден месец на училиште“, вели д-р Вартел.
Покрај тоа, повторувачкото воспаление на крајници, може да доведе до некои компликации, иако ретко. „Главниот ризик е акутната ревматска треска предизвикана од стрептокока и се јавува кај бактериски тонзилитис. Ретка е, но може да има сериозни последици, па дури и да доведе до смрт“, вели детскиот ОРЛ.
Како да избегнете повторувачки тонзилитис
Како што истакнува д-р Вартел, на некои фактори едноставно не може да се влијае – како што е големината на крајниците, која игра важна улога. „Родителите можат добро да го облекуваат детето, да не настине, да го потсетуваат редовно да ги мие рацете, да го става лактот на уста кога кашла или кива, бидејќи тонзилитисот се пренесува по капков пат“.
Лекување на хронична ангина
Ако детето има тонзилитис најмалку шест пати годишно или тонзилитис десет пати во три години, 12 пати во три години, експертите генерално препорачуваат делумна тонзилотомија, односно отстранување на дел од крајниците.
