Генерално, бремените жени треба да се пазат од заразни болести, пред се поради тоа што можностите за лекување се ограниени. Трудниците не смеат да ги користат сите лекови, бидејќи некои негативно влијаат на развојот на плодот. Сепак, одредени заразни болести се поопасни за бремените жени, отколку други заболувања, поради тоа што можат да предизвикаат инфекција на плодот.
Инфекцијата на плодот по правило има лоша прогноза, може да доведе дури и до најтежок исход, лекувањето е ограничено, па затоа превенцијата е исклучително важна.
КОИ ЗАРАЗНИ БОЛЕСТИ СЕ ОПАСНИ ЗА ТРУДНИЦИТЕ?
- МОРБИЛИ (мали сипаници)
Оваа болест до неодамна се сметаше за искоренета. Сепак, кога бројот на вакцинирани деца падна под 85%, почнаа да се јавуваат мали епидемии. Затоа е важно трудниците да обрнат внимание и на оваа можност доколку сте биле во контакт со лице заразено мали сипаници, задолжително информирајте го вашиот гинеколог.
Оваа инфекција е опасна за децата, а за трудниците е особено лоша и непријатна во првото тромесечје од бременоста. Тогаш ризикот да се развојат аномалии на плодот изнесува дури 20%. Едноставно кажано, тоа значи дека секое петто бебе кое во стомакот е изложено на овој вирус пред мајката да излезе од првото тромесечје, ќе има одредени последици. Бебињата кои во овој период од бременоста ќе дојдат во контакт со мали сипаници често имаат мала телесна тежина, срцеви маани, катаракта, воспалене на бели дробови. Можни се и потешки последици како микроцефалија.
- ВАРИЧЕЛА (овчи сипаници)
Како и кај малите сипаници, оваа болест е најопасна за трудниците кои се во првиот триместар од бременоста. Инфекцијата продира до плодот кај околу 10% од случаевите и нејзините последици може да бидат разни оштетувања на кожата на бебето, катаракта, мускулна слабост, па дури и последици по менатлниот и физчки развој на детето.
Доколку со варичела се зарази бремена жена во последниот месец од бременоста, постои можност болеста да се развие и кај бебето, што може да биде опасно со оглед на тоа дека бебето нема развиен имунитет.
Постои можност да се спроведе терапија кај бремена жена која била во контакт со заболен од овчи сипаници, па затоа е важно веднаш да се јави кај лекар ако била во контакт со заразено лице, а не е вакцинирана или ја нема прележано болеста во деството.
- КОКСАКИ ВИРУС
Нема секој контакт со коксаки вирусот негативно да влијае на плодот, но ако трудницата дознае дека е заболена од коксаки, треба веднаш да му јави на својот гинеколог. Овој вирус може да предизвика инфекција на плодот која може да доведе до многу сериозни последици.
- УРЕАПЛАЗМА И КЛАМИДИЈА
Карактеристично за овие две бактерии е што најчесто се пренесуваат преку сексуален пат. За жал, двете инфекции може да доведат до спонтан абортус. Овие инфекции, од мајката на бебето се пренесуваат во текот на породувањето и можат да предизвикаат воспаление на белите дробови и други потешки инфекции кај бебето.
- ТОКСОПЛАЗМОЗА
Оваа инфекција ја предизвикува паразит чиј примарен домаќин се мачките. Оваа инфекција кај човекот главно поминува без симптоми, па многу трудници дури и не знаат дека ја имаат. Паразитот главно од мајката преминува на бебето и дури по породувањето, додека бебето расте и се развива, почнува да предизвикува заболувања: од стрбизам, преку епилепсија, до заостанување во развојот.
