Најздравиот леб е оној што се прави дома и содржи само вода, брашно и сол. Сите нутриционисти се едногласни дека лебот направен од цело зрно пченица, јачмен, овес е здрав за децата.
Интегрален
Детето може да јаде и бел и црн леб, но лебот од интегрално брашно е основен. Тој е похранлив бидејќи содржи повеќе јаглехидрати. Исто така е добар извор на протеини, витамин Е, калциум, калиум, фосфор, железо и цинк. Доколку се борите со запек, кој често се јавува кај децата, диеталните влакна во интегралниот леб помагаат. Важно е и лебот да е бесквасен.
Грахам или црн леб
Богат е со елементи кои се неопходни за организмот, како што се фосфор, калиум, магнезиум, калциум и витамин Е. Исто така, содржи 40% повеќе железо од белиот леб.
Бел леб
Белиот леб е најчестиот вид, повеќето луѓе целосно го исфрлаат од исхраната поради страв да не добијат на телесна тежина. Навистина, белиот леб може да предиспонира зголемување на телесната тежина, но само ако се консумира премногу и во комбинација со протеини или липиди.
Уште еден недостаток на овој вид леб е малата количина на диетални влакна и витамини. Тоа е единствениот вид збогатен со калциум, есенцијален минерал за организмот, поради што е особено индициран за деца и постари лица.
