Кога детето е настинато, има грип и покачена телесна температура, родителите најчесто веднаш посегнуваат по ацетилсалицилна киселина за да ја намалат. Стручњаците предупредуваат дека температури кои се пониски од 38,5 степени не треба да се спуштаат, бидејќи тие на некој начин му помагаат на детето да се бори со болестите.
Најчестата причина се вирусни или некои други инфекции, а стручњаците напоменуваат дека ацетилсалицилна киселина не треба да се зема ако температурата е под 38,5 степени и не треба да се обидува да се намали под 37. Лекарите предупредуваат дека непромислената употреба на лекови понекогаш може да биде и фатална за децата. Една од тешките последици на користењето ацетилсалицилна киселина е Рејов синдром.
ШТО Е РЕЈОВ СИНДРОМ?
Рејов синдром е потенцијално смртоносна болест која најчесто се јавува кај децата помлади од 15 години, а моѓе да предизвика бројни негативни последици на многу органи, особено на мозокот и црниот дроб. Може да предизвика и хипогликемија (ниско ниво на шеќерот во крвта). Вистинската причина за овој синдром се уште е непозната. Познато е дека се јавува кај децата со вирусни заболувања кои користеле ацетилсалицилна киселина, но присутен е и кај оние кои не го користеле овој лек.
Овој синдром предизвикува “замастен црн дроб“, односно хепатална стеатоза со многу слабо воспаление и тешка енцефалопатија (воспаление на мозокот). Црниот дроб станува значајно зголемен и тврд, а се случуваат и одредени промени во изгледот на бубрезите. При лекувањето, најважна е правилната и што побрза дијагноза. Кај повеќето деца опоравување е многу успешно, иако се можни потенцијални компликации кои можат да доведат до потешки оштетувања на мозокот или смртен исход.
Лекарите предупредуваат дека Рејовиот синдром може да се појави во позадината на изразена треска и потсетуваат дека педијатрите препорачуваат точно одредени лекови за намалување на телесната температура кај децата – ибупрофен и парацетамол. Секој друг третман може да доведе до сериозни здравствени проблеми.
