Бременоста доаѓа со бројни симптоми кои се сосема нормални иако се непријатни. Меѓутоа, некои кои се појавуваат на самиот почеток никако не треба да се игнорираат, бидејќи може да укажуваат на сериозни компликации.Треба да бидете свесни за потенцијално опасните симптоми, особено ако се појават ненадејно или траат долго, подобро е на време да одите на преглед и да проверете дали се е во ред. Овие појави во раната бременост никако немојте да ги игнорирате:
Крварење или кафеав исцедок
Многу жени имаат слабо крварење или дамки во раната бременост, без проблеми (крварењето може да се појави кога оплодената јајце клетка ќе се всади во матката, околу шест до 12 дена по зачнувањето). Меѓутоа, вагинални дамки или крварење што изгледа како почеток на благ циклус може да биде првиот знак за спонтан абортус или може да сигнализира ектопична или моларна бременост.
Крварењето може да биде моментално или континуирано, мало или обилно. Во секој случај, тоа не е нормална појава и укажува на можни компликации.
Болка
Малку грчевитата болка во стомакот во раната бременост често не е причина за загриженост (имплантацијата може да предизвика лесни грчеви во раната бременост). Меѓутоа, ако имате грчеви заедно со други симптоми, како што е крварење, или грчевите се силни, тоа може да биде сигнал за сериозен проблем. На пример:
- Ако имате грчеви, упорни болки во стомакот или остра болка, или чувствувате повеќе како притисок во карлицата или болка во долниот дел на грбот придружена со крварење, тоа укажува на спонтан абортус.
- Болка каде било во стомакот или карлицата – без разлика дали е блага и повремена или ненадејна и силна – може да сигнализира на вонматерична бременост. Болката може да се влоши кога сте активни, имате празнење на цревата или кашлица.
- Болката во рамото, особено кога лежите, може да биде симптом на руптура на вонматеричната бременост, што бара итно одење во болница.
- Моларна бременост може да предизвика стомачни грчеви и притисок или болка во карлицата, како и силна мачнина и повраќање.
