За повеќето вработени родители, балансирањето на деловните обврски и потребата да поминуваат што е можно повеќе време со своите деца може да биде постојана борба. Меѓутоа, детскиот психолог Това Клајн тврди дека родителите повеќе не треба загрижено да ги бројат часовите и минутите што ги поминуваат на работа наместо дома. Таа објаснува дека квалитетот на времето што родителите го поминуваат со своите деца е многу поважен од квантитетот, а тоа е воедно клучен фактор за нивниот развој и иден успех.
„Многу родители не знаат дека квалитетот на времето поминато со детето е многу поважен од квантитетот на истото време, а тоа го докажуваат многу студии. Едно истражување покажа дека не постои поврзаност помеѓу количината на времето што родителите го поминуваат со децата на возраст од три до 11 години и успехот на тие деца подоцна во животот. Имајќи го ова на ум, родителите треба да се фокусираат првенствено на градење значајни врски со своите деца кога поминуваат време со нив“, вели д-р Клајн.
Како што нагласува, токму начинот на кој родителите го поминуваат времето со своите деца е клучно за нашите малечки еден ден да прераснат во самоуверени и мотивирани возрасни лица.
