Психологот Карл Пикхард во својата книга за родителството објаснува дека самодовербата е една од најважните работи што родителот може да му ја всади на своето дете. Како што објаснува, децата на кои им недостасува самодоверба не сакаат да испробуваат нови работи или да преземаат какви било предизвици бидејќи се плашат од неуспех или разочарување.
Едно нешто што го прават речиси сите родители на самоуверени деца е да ја поттикнуваат нивната љубопитност, пишува Psychology Today.
Како што објаснува д-р Пикхард, понекогаш љубопитноста на детето може да биде исцрпувачка и напорна, но сеедно, ние како родители треба да ја поттикнуваме што е можно повеќе.
Децата често поставуваат многу прашања за различни нешта и појави, што може да биде многу корисно за нивниот развој. Тоа значи дека сфаќаат дека има многу што сè уште не го знаат и треба да откријат. Поттикнувањето на љубопитноста на децата ја зајакнува нивната самодоверба бидејќи тие учат како подобро и побрзо да учат, без оглед на темата.
