Воспитувањето девојчиња во денешното општество не е воопшто едноставна задача. Имено, светот има многу застарени очекувања од девојките, од тоа како треба да се однесуваат до тоа како треба да изгледаат. Токму затоа на родителите често не им е лесно да ги научат своите ќерки да бидат среќни, задоволни и сигурни во себе.
Работите да бидат уште полоши, добронамерните родители често прибегнуваат кон вообичаени фрази за да се обидат да го објаснат лошото однесување или да ја зголемат самодовербата на нивните девојчиња, а со нив го постигнуваат токму спротивното.
Како што објаснува психологот Лора Фројен, која и самата е мајка на две ќерки, овие фрази всушност можат да направат повеќе штета отколку корист. Една од нив ја истакнува како особено опасена, а се однесува на односпт со момчињата. Таа вели дека многу луѓе ја користат фразата „тој е лош кон тебе затоа што му се допаѓаш“, а тоа всушност може да предизвика големи проблеми.
Според мислењето на психологот, ова е една од најштетните пораки што родителите можат да им ја дадат на своите ќерки.
„Девојките треба рано да знаат дека ако им се допаѓаат на луѓето, треба да ги третираат со достоинство и почит. Ако кажеме дека момче или млад човек е злобен затоа што му се допаѓа, ние ги учиме нашите деца што да очекуваат во идните романтични врски. Со други зборови, родителите им даваат до знаење на своите ќерки дека агресијата е дозволена и дека тоа е израз на љубов, што е сосема погрешно“, предупредува Фројен.
