Истражување покажало дека во најдобар случај, децата за околу еден месец речиси целосно ја забораваат новата играчка. Но, на повеќето деца новите играчки им здосадуваат и многу пред тоа, а родителите со неверојатна брзина ги отфрлаат играчките што се во совршено добра состојба!
Британска организација открива дека 28 проценти од родителите во Велика Британија “ признаваат дека често фрлаат играчки во совршена состојба“.
Дете во просек го губи интересот за играчка во рок од само 36 дена. Една петтина од родителите рекле дека нивното дете изгубило интерес по 11 часа игра со новата играчка, додека осум проценти изјавиле дека на нивните деца, новата играчка им станала здодевна за помалку од еден час.
На овој тренд, делумно може да влијае тоа што децата повеќе користат екрани и таблети за забава и поретко си играат со играчки. Овие резултати од истражувањето се одличен потсетник за сите нас за важноста на промислен избор на играчки и можеби барем обид за избегнување на импулсивно купување, кое многу брзо може да заврши во ѓубре!
